احنا ليه عايشين وليه بنعاني كده ونعمل ايه عشان نكون مبسوطين علي طول ---ينفع؟؟؟

انا زهقان انا تعبان انا متضايق وقرفان
انا قرررت انتحر
مش عايز اعيش
يوووووه هو ايه القرف ده
العيشة واللي عايشينها
---- مالك بس
===قرفان
--- ليه كده يا صاحبي
== لا جواز عارف اتجوز ولا شغل عارف اشتغل هو ايه العيشه النكد دي احنا اتخلقنا فيها ليه عشان يتنكد علينا
-- ياعم حرام ماتقولش كده
== ياعم اسكت بقه ماتزهقنيش انت كمان الا اسيبك واقوم
-- طب ماتزعلش تعالي بس نتمشي شويه علي البحر وانت تفك
== بحر ايه وزفت ايه انا كرهت عيشتي
-- طيب قوم بس خدلك دش وفوق كده واحنا نقعد نشوفلك حل وندور احنا عايشين ليه اقوللك حاجه
==ايه
-- سمعت واحد بيقول
-- ايه ياعم بقي خلص ماتخنقنيش
== ياعم صبرك بس.
-- عايز تعمل اي حاجه في الدنيا امسك ورقة وقلم واكتب انت نفسك في ايه ونفسك تعمل ايه ويبقي عندك ايه اكتب نقط
واحد نفسي يكون عندي فلوس كتير.
2- نفسي اكون انسان محترم واشتغل شغلانه محترمه.
3-نفسي اتجوز بنت محترمه وبنت ناس.
4-نفسي في عربية.
5-عايز انجح واكون مشهور في المجال الفلاني(تدريس-جرافيك-كمبيوتر -طب-نجاره-اي شئ تحبه)
بعد ماتكتب اهدافك من الحياة.
--ايه بقي اقول ياجزر الاقي العفريت طلع لي وحققها لي.
== ياعم بس خليك معايا للآخر خدني علي قد عقلي.
-- طيب معلش كمل كلامك.
طيب ياعم خليك معايا==بداية النجاح انك اول حاجة تحدد انت عايز ايه تاني حاجه \\\ لازم تاخدها خطوه خطوه \\\\ تالت حاجه
انك تحدد امكانياتك يعني عندك ايه تحدد بيه هدفك
مش لازم يكون فلوس -- ممكن امكانياتك دي تكون مخك - عقلك - ذكائك - ايدك اللي ممكن تشتغل بيها حرفة مثلا
يعني نحاول بأقل الامكانيات تعمل حاجه
-- ياعم انا كده حتوه منك فهمني واحده واحده
==طيب امشي معايا خطوه خطوه وانا حساعدك باللي ربنا يقدرني عليه
--ماشي انا معاك
== قوم هات ورقة وقلم
-- اديني جبت الورقة والقلم اكتب ايه
== احنا حنعيده تاني ماقلنا اكتب اهدافك اللي انت عايزها حالا وتكون واضحه ومصمم انك تحققها مش تكتبها وانت عندك شك انك حتحققها
لأ .. لازم يكون عندك ايمان بربنا وعندك ارادة قوية ومصمم انك تحقق الاهداف دي
معلش حقوم اصلي واجيلك نكمل
ايه هو انت مش حتصلي ولا ايه يالا ياعم قوم خللي ربنا يساعدك قوم اتوضي ويالا نصلي
-- ياعم الدنيا ساقعه
== بلاش كسل انت لو عندك ماتش كوره حتستحمي كمان مش حتتوضي وبس
-- طيب استني بقي اما اتوضي واجي معاك
== يالا بينا الله المستعان